ఎంత బాగుంటుంది

మా తోటలో తిరిగివస్తున్న  నాకు

హఠాత్తుగా  పక్షుల  కలరవం  వినిపించి

ఆత్రంగా  వెళ్ళాను

ఎక్కడా  కనపడవే !

చెట్టు చెట్టున కొమ్మకొమ్మల్లో చూసా

లేవే!

నిరుత్సాహ మయింది

ఎన్ని రోజులయింది  చూసి

ఓ సారి వస్తే ఎంత బాగుంటుంది

ఎందుకొస్తాయి

నా భ్రమ కాని !

నిలువ నీడ లేకుండా చేసాం

గూడు చెదరి అలిగి  కోపగించుకొని  వెళ్లిపొయాయి

తమకోసం  ఎదురుచూస్తున్నానని

గూడు సిద్ధం  చేసానని

ఎవరైన  వాటి  భాషలో  చెబితే

ఎంత  బాగుంటుంది