ప్రశ్న

ప్రశ్న

ఆ వీధిలో వెడుతుంటే

ఓ గుమ్మానికి మేకు ఊడి

వేలాడుతూంది తోరణం అనాథలా !

ఏదో శుభకార్యం జరిగే ఆఇంట్లో

ఎవరైనా చూస్తే

అపసకునం అనుకొంటారని

గుమ్మానికి మేకు

తగిలిద్దామని వెళ్ళాను

మేకు కొట్టాడానికి

ఏమయినా దొరుకుటుందేమోనని

అటు ఇటూ చూశా

ఏమీ  దొరుకలేదు

ఎవరైనా ఉన్నారా అనీ  పిలిచా

ఓ అమ్మాయి మంచి  పట్టుపరికిణిలో వచ్చి

 ఏమి అని   సైగ చేసింది

చెప్పా,

సరే అని సైగచేసి లోనికి  వెళ్ళిపోయింది

క్షణం లో తిరిగొచ్చింది

చేయిలో రాయితో

చేయి చాచా రాయికోసం

నేను మడి అని  గుమ్మంపై

పెట్టి వెళిపోయింది

తోరణం కట్టి వెనుదిరిగాను

అయితే ఓ ప్రశ్న

ప్రశ్నగానే మిగిలింది

రాయిని ఇచ్చేందుకు

మడి అనుకున్న వాళ్ళూ

నేను ముట్టిన రాయిని

ఏం చేస్తారని-

……………కళ్లే శాస్త్రి